حوار ببن اتنين اخوات يارب يعجبكم
في يوم من الايام كان يوجد اتنين اخوات ماجد وماريا وفجاة رن جرس الباب وحدث هذا الحوار
ماجد: افتحي الباب ياماريا
...
ماريا: يووة بقي هو مفيش غيري في البيت حاضر
وقبل ان تفتح الباب نظرت من العين السحرية لتري من علي الباب
ماريا: اية دة مش معقولة الحقني ياماجد
ماجد: فية اية مين علي الباب
ماريا: تعالي شوف كدة
ماجد: اية دة مستحيييييل افتحي افتحي بسرعة
ماريا :انت اتجننت عايزنا نقابلة كدة لازم نغير هدومنا يلا بسرعة
ماجد: عندك حق يلا طيب
وبعد لحظات
ماجد انا هفتح خلاص جهزتي
ماريا :ايوة افتح لالالالالالالالالالا استني
ماجد :اية
ماريا :استني امسح اللي مهبباة في وشي دة مينفعش اقابلة كدة
ماجد : بسرعة يلا
وبعد لحظات
ماريا :افتح بقي يلا انا مشتاقالة اووووووووي
ماجد: لا لحظة اما اروح اطفي الكمبيوتر الاول دة علية بلاوي احسن يشوفها
ماريا:اوك
وبعد لحظات
ماجد خلاص تمام كدة افتحي
ماريا :افتح اية انا نسيت اشيل صور تامر والباقي من اوضتي ميصحش يشوفها هيزعل
اوووي لو شافها
ماجد : يلا بقي مينفعش نسيبة علي الباب كدة بسرعة
وبعد لحظات
ماريا :كلة تمام افتح الباب ياماجد
ماجد :حاضر يييييييييييييية يادي النيلة استني اشيل المجلات دي اللي في كل حتة فيها
حاجات مش حلوة
ماريا :ماشي وانا كمان اروح ادور علي انجيل من جوة بس يارب القاة وسط الكتب والمجلات
بتاعتي
ماجد: بس كدة كلة تمام
ماريا :اة بس لحظة اجيب حاجة اغطي شعري بيهااا
ماجد :ماشي
وقبل مايفتح الباب جري ماجد شغل ترنيمة بدل الاغاني اللي كانت شغالة
وفتح الباب وكانت المفاجاة
لم يروا احدا علي الباب
ماجد: انتي السبب انتي مخلتنيش افتح علي طول اتاخرنا كتييييييييير
ماريا: مانت كمان بعدها رحت افتح قلتلي استني كان نفسي اترمي في حضنة
ماجد:وانا كمان كنت محتاجة اوووي وكان نفسي اقعد معاة بس للاسف احنا السبب
ماريا : احنا غلطانين كان لازم فعلا نفتح من الاول لكن احنا قعدنا نبص للمظاهر وبس
ماجد:هو كان هيقبلنا كدة كان مستنينا نفتح بس ولو كان هيرفضنا مكانش خبط علي بابنا
عرفتوا مين الشخص دة
هو اللي بيخبط علي قلبي وقلبك يسووووووع المسيح
لكن يفيد باية الندم كتير بننشغل في حاجات مالهاش لازمة او نقول نتوب وبعدين نرجع
ليسوع
ونفضل في توبتنا دي حاجات كتير تلاهينا وننسي يسوع وتيجي لحظة نندم علي كل دة
بس هيفيد باية يلا افتح بابك قلبك قبل مايمشي نعيش معاة ونستقبلة في قلوبنا
0 التعليقات:
إرسال تعليق