🕇🕆🕇 واقوى معجزتين لرائيس الملايكه ميخائيل 🕇🕆🕇

بمناسبة التذكار الشهري لرائيس الملايكه الملاك ميخائيل 

🕇🕆🕇 واقوى معجزتين لرائيس الملايكه ميخائيل 🕇🕆🕇

+++ قصة حلوة اوى عن الملاك ميخائيل +++

- كان فى ست بسيطة عجوزة ف بلد من الفلاحين علاقتها بربنا حلوة اوى وبتحب الملاك جدا، وكانت متعودة كل سنه تعمل حاجة ف عيد الملاك زى ندر ( قرص او توزع برتقال ) ، ف مرة ف عيد الملاك مكنش معاها فلوس فصلّت للملاك ميخائيل وقالتله انا نفسي اعملك حاجه ف عيدك بس ماعيش فلوس ...

- كان عيد الملاك 12 هاتور يوم جمعه - زى انهاردا كدا - المهم وهى قاعدة حزينة عشان مقدرتش تعمل حاجه خبط الباب عليها ولقت راجل من التأمينات وطبعا التأمينات هيئة حكومية مبتشتغلش الجمعة 

المهم بتساله حضرتك مين قالها انا من التأمينات وجاى اجيبلك فروقات ف المعاش بتاعك حسبناه ولقينا ان ليكى فلوس عندنا ، الست كانت فرحانه جدا جدا وعملت بيه الندر اللى متعودة عليه ودا كان بسيط جدا ..

- من علاقتها الجميله بالملاك ميخائيل كان شفيعها ف كل حاجه ف حياتها وف تربية ولادها ، وكانوا ولاد حلوين ناجحين ف حياتهم بشفاعه الملاك ميخائيل 

- و ف يوم حوشت مبلغ 50 جنيه – بالنسبالها مبلغ كبير - و حبت تدى اللى حوشته للملاك وصلّت ليه يرشدها فظهرلها الملاك ميخائيل وقالها روحى ادى المبلغ دا للكاهن ف كنيسة مارجرجس اسبورتنج ف اسكندرية وقوليله انك عايزة تبنى كنيسة على اسم الملاك ميخائيل.

- هى ببساطتها راحت فعلا ركبت القطر ونزلت اسكندرية وجت ف مارجرجس اسبورتنج وقابلت ابونا: لوقا سيداروس وقالتله خد الـ 50 ج دى، دى كل اللى انا محوشاه وابنى بيها كنيسه على اسم الملاك ميخائيل وقعدت تحكيله عن عمل الملاك معاها !!!

- ابونا استغرب ومرداش يحرجها بسبب صغر المبلغ ، قالها طيب احنا ممكن نعمل هيكل او مقصورة على اسم الملاك ف اى كنيسة ، قالتله وبشدة لا ... انا عايزة كنيسة ع اسم الملاك مش مقصورة او هيكل ، حاول يفهمها ان المبلغ صغير بس هى صممت وبشدة !!! 

ف نفس التوقيت دا كان معدى ابونا بيشوى كامل راح حكاله الموقف ، ابونا بيشوى لتهدئة الموقف قال للست حاضر هنبنيلك الكنيسة بـ الـ 50 جنيه ورضاها ، ومشت الست وقال لابونا لوقا الناس البسيطة دى بيبقى عندها ايمان قوى جميل متخذلهومش وخلى الـ 50 ج معاه وقاله نصلى ربنا يرشدنا ... 

- عدى اسبوع جه واحد اسمه الاستاذ ميخائيل كان ع علاقة قوية بابونا بيشوى كامل وقاله انا عايزك ف موضوع ، قدسك عارف ان انا ومراتى مخلفناش واحنا عايزين نتبرع بالفيلا بتاعتنا اللى ساكنين فيها للبطريركية ونبنيها كنيسة على اسم الملاك ميخائيل ، ابونا اول ماسمع كدا جت ف باله ع طول الست البسيطة اياها ، شكره ابونا وساله ع مكانها قاله ف منطقة مصطفى كامل ،، ابونا قاله هعرض ع الكهنة ولجنة الكنيسة وهرد عليك ،،،

لما عرض ابونا الموضوع ع لجنه الكنيسة والكهنة فى منهم اعترض بسبب مكانها عشان كانت وقتها مصطفى كامل منطقه وحشه ومقطوعه وان مافيهاش ناس ياما ومحدش هيعرف يوصلها لكن ابونا بيشوى كان عنده بعد نظر ( كعادته يعنى ) ،المهم ابونا بيشوى قالهم اتفرجوا ع المنطقة دى هتبقى ايه بعد كدا ، احنا نصلى ونشوف ربنا عايز ايه ... 

- كان فى اعتراضات كتيرة على بُنى الكنيسة فى المنطقة دى وفى ناس اقترحت انهم يبيعوا الارض ويشتروا كنيسه ف مكان تانى لكن بتدبير من ربنا استاذ ميخائيل رفض وقال لو مش هتبنوا الارض بتاعتى كنيسه على اسم الملاك ميخائيل هاخدها تانى 

- بتدبير ربنا جه مقاول لابونا بيشوى وقاله انا هعمل الكنيسة اللى كان طالبها استاذ ميخائيل من غير اى فلوس ، ابونا استغرب !!!! وقاله ازاى مش هتاخد اى حاجه ؟؟!! قاله ولا مليم ولا انا ولا العمال انا بس هجيب الادوات اللى هيطلبوها العمال ف البُنا ودى هتتكلف بس 50 ج غير كدا مش عايز ولا مليم ، ابونا اوتوماتيك افتكر الست البسيطة وقاله 50 ج بس !! قاله بس مش عايز حاجه تانى ، اتشجع ابونا بيشوى وحس ان دى إرادة ربنا واقتنع باقى المعترضين وحسوا ان ربنا والملاك ميخائيل عايزين الكنيسة، وفعلا بدأوا ف البُنا وللمفاجئة وهما بيحفروا لقوا حجر صخرى على شكل قربانة عليها الـ 5 ثقوب والصليب ، اتشجعوا اكتر واتبنت الكنيسة واتعمل اول قداس فيها ع ايد الانبا مكسيموس مطران القليوبية 

وهى دلوقتى من احسن الكنايس 

- لو هنبص هنلاقى ان الكنيسة دى من احلى واكبر الكنايس ف اسكندرية اتبنت ع ايمان بسيط من ست بسيطة جدا جدا كل اللى كانت بتعمله انها كانت بتحب الملاك ميخائيل جدا وامينه ف عمل الندر بتاعه كل سنة حتى لو كان بسيط .

- المعروف ان الست دى الملاك كان مباركلها ف حياتها وولادها بشكل غير طبيعى ولادها كلهم متعلمين واصبحوا لهم مكانة كبيرة فى المجتمع بشفاعة الملاك ميخائيل .

- كنيسة الملاك ميخائيل بسبب مكانها والوسط المحيط فهى كنيسة ربنا مبارك فى مادياتها ولو هنرجع نلاقى انها اتبنت بـ 50 ج ليس اكثر .

- السلام لك يا ميخائيل يا صاحب الصيت الفاخر

- يا معـظــم بالتـبـجــيـــل ذو العـجــب البـــاهــر

الست البسيطة الجميلة هى : زهور حنا جرجس

صاحب الفيلا الاستاذ : ميخائيل

🕇 أعجوبة رئيس الملائكة الجليل ميخائيل ( في كولوسي )

خرجت من باطن الأرض في كولوسي مياه حيّة كانت تشفي الأمراض .

فقام واحد من المؤمنين من اللاذقية ، شفيت ابنته الخرساء بتلك المياه المباركة بتشييد كنيسة صغيرة جميلة على اسم رئيس الملائكة ميخائيل .

ثم بعد تسعين سنة جاء ناسك اسمه أرخبّس من هيرابوليس المجاورة واستقّر فيها ،

وقد اعطاه الله موهبة صنع العجائب .

فأثار ذلك حسد الشياطين فحرّكوا عليه بعض الجيران الوثنيين ،

وحاولوا سد فوهة الينبوع

فأفشل رئيس الملائكة ميخائيل مسعاهم .

ثم سعوا ان يحوّلوا مجرى مياه من نهر مجاور ليغرقوا الكنيسة بالمياه بمن فيها، فأخفقوا فى هذه أيضا . 

أخيرا تمكنوا من تحويل مجرى من نهرين صوب المكان.

وكانت المياه تنحدر بسرعة باتجاه الكنيسة ،

فضرب العظيم ميخائيل رئيس ملائكة الله احدى الصخورفي مجرى المياه بعصاه فسقطت الصخرة ومعها المياه إلى أعماق الأرض ، ونجت الكنيسة.

ولأن المياه دخلت في الأرض كما في حفرة عميقة ، سمي المكان خور أي حفرة.

ومنذ ذلك الحين ، صارت تقام هذه الذكرى لتمجيد الله واكرام رئيس الملائكة ميخائيل حامي كنيسة خور .

تطويب الملاك ميخائيل يا زعيم الأجناد السماويين، 

نتوسّلُ إليك دائماً نحن غير المستحقين، حتى إنك بطلباتك تكتنفنا بظلِّ جناحي مجدك غير الهيولي ، حافظاً إيانا نحن الجاثين والصارخين بغير فتور، 

أنقذنا من الشدائد، بما أنك رئيسُ مراتب القوّاتِ العلويّة.

أشفع فينا يارئيس جند الرب ميخائيل رئيس السمائيين ليغفر لنا المسيح خطايانا

ولربنا كل المجد الدائم ابديا امين