خلي ليك شفيع في السما لما يعجز اهل الارض يتدخل هو و يحلها
أنا أسمى ن.ت: أصبت من 15/12 /2015 بتورم وأحمرار شديد فى العين اليمنى ذهبت لدكاترة عيون دون جدوى التشخيص كان خبط فى العين - أنفجار فى الشعيرات الدموية - رشح دموى تحت الجلد دون معرفة السبب منهم من قال بسبب الجيوب الأنفية ذهبت ل7 دكاترة بعد عناء شديد ونفسية صعبة وأخر دكتور بعد عمل أشعة رنين مغناطيسى قال لى فيرس أسمه هيربس ولكن بعد أخذ مجموعة من المضادات وصلت الى 5000مج فى الجرعة لمدة 10 أيام لدرجة كنت مثل الجثة وذهبت له بنفس الحالة السيئة وأندهش الطبيبب جدآ وقالى أنا جربت معاكى كل علاجات الفيروسات والميكروبات الموجودة فى العالم باقى تعملى شوية تحاليل أنا شاكك فى حاجة كانت الحاجة دى يا سرطان يا حاجة تانية هو لسة بيتعرف عليها عملت تحاليل وروحت له أعطانى علاج واحد بسيط لكن وجوده قليل وقال نجرب ونشوف هنا بدأ الله يحن على بعد معاناة دامت 6 أشهر دون جدوى فى حلم وجدت نفسى فى دير أرضه بها رمل وأنا خارجه من الباب وجدت ذئب يكشر عن أنيابه ويريد أن يلتهمنى فرجعت مسرعة الى داخل الدير فوجدت أبونا فانوس قاعد على الأرض وفى يده عصا صغيرة جدآ وبيرسم بيها على الأرض الرملية فرحت له وقلت له أنا خايفة ومش عارفة أطلع أنا خايفة من الذئب ده قالى( روحى هيشيها بصيغة أنها أنثى الذئب وقالى متخافيش منها) روحت وأنا ماشية لقيت سلام الرب عليه الشهيد العظيم العجايبى مارمينا ماسكنى من أيدى من المعصم بقوة وأنا بنظر ليه حبيت أشوف وجهه كامل لأنى شفته من الجنب لقيت عينيه واسعه ومن داخلها نور مثل النيون القوى خفت من المهابة اللى فى وجهه وبطلت أنظر فى عينيه رفع يديه بأشارة الصليب على الذئبة دى فتكورت حول نفسها يعنى زى فى وضع النوم راسها عند رجلها وبعدين ماتت فأختفى مارمينا رجعت لأبونا فانوس لقيته بيضحك وبيقول مارمينا معاكى؟ مارمينا معاكااااى وهو مبتسم لما ذهبت للطبيب بعد ذلك قالى أن أعراضها تتشابه مع أعراض ( الذئبة الحمراء ) وقد تكون حشرة سبب فى ذلك فى نقل الفيرس وبعد 11 شهر أنا تعافيت ورجعت عينى مثل الأخرى وعايزة أقول أن الأحمرار ده أخد يتكور حول نفسه وكون فتحة وفضل يلتئم بشكل دائرى وتعافيت تمامآ بل بالعكس من يرى العين المصابة قبلآ يرها أفضل من السليمة بركة العجائبى
مارمينا وأبونا الجميل أبونا فانوس بركتهم تشملنا أمين
0 التعليقات:
إرسال تعليق